জগদ্ধাত্রী কবচ মন্ত্র | Jagaddhatri Kavach
অস্য শ্রীজগদ্ধাত্রীকবচস্য নারদঋষির্গায়ত্রীচ্ছন্দঃ শ্রীশ্রীজগদ্ধাত্রীদেবতা হ্রীং বীজং দূং শক্তিঃ স্বাহা কীলকং সর্বমঙ্গলার্থে বিনিয়োগঃ।। শ্রীশিব উবাচ। ওঁ অতিগুহ্যতমং দেবি কবচং কথয়ামি তে। যদ্দৃষ্টা দেবদেবেশি দেবদেবো জনাৰ্দ্দনঃ।। ব্রহ্মাপি ব্রহ্মবিদ্ভূত্বা স্বকার্য্যে শক্তিমানভূৎ। কিমন্যে স্তন্মহাপুণ্যং সর্বতীর্থ ফলপ্রদম্। পাবনং পরমং দিব্যং দেবতানাং সুদুর্লভম্।।
মহাশান্তিকরং শান্তং সর্বমঙ্গলকারণম্।। সর্বব্যাধিহরং সর্বসুখদং কামদং সদা। নারদশ্চ ঋষিঃ প্রোক্তো গায়ত্রীচ্ছন্দ উচ্যতে।। দেবতা চ জগদ্ধাত্রী মায়াবীজত্ত বীজকম্। দুৎ শক্তিঃ কীলকং দেবি বহিকান্তাস্য দেবিকা।। ও দুং বীজং মে শিরঃ পাতু বদনে ত্রাক্ষরী পরা। হ্রীং দুং ফট্ পাতু মে কণ্ঠে হ্রীং দুং স্বাহা চ নাসিকাম ।।
স্ত্রীং দুং ফট্ হৃদয়ে পাতু ক্লীং দুং ফট্ স্তনযুগ্মকে। ঐ দুং স্বাহা পাতু কুক্ষৌ ওঁ দুং ফট্ কটিদেশকে।। হ্রীং দুং নিতম্বে চ তথা শ্রীং দূং স্বাহা চ জঙ্ঘয়োঃ। স্ত্রীং দুং স্বাহা পাদযুগ্মে ক্লীং দুং স্বাহা চ শেয়াসি। হ্রীং দূং স্বাহা চ সর্বাঙ্গে কেশেষু সকলেষু চ। ও দুর্গে দুর্গে রক্ষণি স্বাহেতি সর্বসন্ধিযু।। সর্বকার্য্যেষু সর্বত্র জগদ্ধাত্রী সদাবতু। সম্পত্তৌ চ বিপঠৌ চ জগদ্ধাত্রী জয় প্রদা।।
পাতু মাং পরমেশানী পরিবারগণৈরপি। আদ্যা ব্রহ্মময়ী দুর্গা জগদ্ধাত্রী জয় প্রদা।। অন্নদা ত্রিপুরা দুর্গা ত্বরিতা সিংহবাহিনী। সরস্বতী তথা লক্ষ্মীর্জয়দুর্গাহভয়া তথা।। ভুবনেশী চ মাহেশী বজ্রপ্রস্তারিণী পরা। পরিবারগণান্ পায়াদেতান্ পর্বতকন্যকা।। জয়াদ্যাঃ পাস্তু সর্বত্র ইন্দ্রাদ্যাঃ পাস্তু সর্বদা। ইতি তে কথিতং দেবি সর্বমঙ্গলে কারণম্। ধারণাৎ পঠনাৎ প্রাজ্ঞঃ সর্বমঙ্গলমাপ্নুয়াৎ।।
নান্যং পরতরং দেবি ত্রিষু লোকেষু দুর্লভম্। বন্ধ্যাপি লভতে পুত্রং নাত্র কার্য্যা বিচারণা।। ঘটং বিচিত্রং সংস্থাপ্য তাম্রাদিপাত্রমধ্যগে। গোরোচনাগুগুলাভ্যাং কুদুমাগুরুচন্দনৈঃ। সাধকেন লিখিত্বা চ মালীকৃতামিদং পুনঃ। স্থাপয়িত্বা প্রতিষ্ঠাপ্য যন্ত্রবচ্ছোধনকরেৎ।। ইতি তে কথিতং দেবি সারাৎসারাৎ পরাৎপরম্। ন কস্যচিৎ প্রদাতব্যং গোপিতং শাস্ত্রসঞ্চয়ে।।- ইত্যাগমমহার্ণবে ইর-পার্বতী সংবাদে জগদ্ধাত্রী কবচম্ সমাপ্তম্।
আরও পড়ুন – জগদ্ধাত্রী স্তোত্রম
