গঙ্গা স্তোত্রম্ (বাল্মীকি কৃতম্)

গঙ্গা স্তোত্রম্ (বাল্মীকি কৃতম্) | Shree Ganga Stotra by Balmiki in Bengali

ওঁ মাতঃ শৈলসুতাসপত্নি বসুধা শৃঙ্গারহারাবলি, স্বর্গারোহণ বৈজয়ন্তী ভবতীং ভাগীরথীং প্রার্থয়ে। ত্বত্তীরে বসতস্তদম্বুপিবত স্তদ্বীচিমুৎপ্রেঙ্খতস্তন্নাম স্মরতত্ত্বদর্পিত দৃশঃ স্যান্মে শরীরব্যয়ঃ ॥ ১ ॥

ত্বত্তীরে তরুকোটরান্তর্গতো গঙ্গে বিহঙ্গোবরং, ত্বন্নীরে নরকান্তকারিণি বরং মৎস্যোহথবা কচ্ছপঃ। নৈবানাত্র-মদান্ধ-সিন্দুরঘটা: সংঘট্ট-ঘণ্টারণৎকারত্রস্ত সমস্ত বৈরিবনিত্য লব্ধস্তুতিৰ্ভূপতিঃ ॥ ২ ।।

কাকৈর্নিষ্কূষিতং শ্বভিঃ কবলিতং গোমায়ুভিলুণ্ঠিতং স্রোতোভিশ্চলিতং তটান্তমিলিতং বীচিভিরান্দোলিতম্। দিব্যস্ত্রীকরচারুচামরমরুৎ সংবীজ্যমানঃ কদা, দ্রক্ষ্যেহহং পরমেশ্বরি ত্রিপথগে ভাগীরথি স্বং বপূঃ ।। ৩।।

অভিনববিষবল্লী পাদপদ্মস্য বিস্ফোর্মদন-মথন-মৌলের্মালতীপুষ্পমালা। জয়তি জয়পতাকা কাপ্যসৌ মোক্ষলক্ষ্যা, ক্ষয়তি কলি-কলঙ্কা জাহ্নবী নঃ পুনাতু ॥ ৪ ॥

এতত্তালতমাল শালসরল ব্যালোলবল্লী -লতাচ্ছন্নং সূর্য্যকরপ্রতাপরহিতং শঙ্খেন্দুকুন্দোজ্জ্বলম্। গন্ধর্ব্বামরসিদ্ধকিন্নরবধূ স্তুঙ্গ-স্তনাস্থালিতং, স্নানায় প্রতিবাসরং ভবতু মে গাঙ্গং জলং নিৰ্ম্মলম্ ॥ ৫ ॥

গাঙ্গং বারি মনোহারি মুরারি-চরণচ্যুতম্। ত্রিপুরারি শিরশ্চারি পাপহারি পুনাতু মাম্ ॥৬॥ পাপাপহারি দুরিতারি’ তরঙ্গধারি, দূরপ্রচারি গিরিরাজ-গুহাবিদারি। ঝঙ্কারকারি হরিপাদরজোবিহারি গাঙ্গং পুনাতুং সততং শুভকারি বারি ॥ ৭॥

বরমিহ গঙ্গাতীরে শরটঃ করটঃ কৃশঃ শুনীতনয়ো। ন পুনর্দুরতরস্থঃ করিবরকোটীশ্বরোনৃপতিঃ ॥ ৮ ॥ গঙ্গাষ্টকং পঠতি যঃ প্রযতঃ প্রভাতে বাল্মীকিনা বিরচিতং শুভদং মনুষ্যঃ। প্রক্ষাল্য সোহত্র কলি-কল্মষপঙ্কমাণ্ড, মোক্ষং লভেৎ পততি নৈব পুনর্ভবাদ্ধৌ ॥ ৯ ॥

ইতি শ্রীবাল্মীকি কৃতং গঙ্গাস্তোত্রং সমাপ্তম্ ॥

আরও পড়ুন – গঙ্গা স্নানের নিয়ম ও মন্ত্র

ভারতশাস্ত্র এর সমস্ত আপডেট এখন GNews, Facebook,  What’s App এবং Telegram – পেয়ে যাবেন। Google Play Store এও আমাদের উপলব্ধ রয়েছে Bharatsastra App