জগদ্ধাত্রী স্তোত্রম | Jagaddhatri Stotram
শিব উবাচ। ওঁ আধারভূতে চাধেয়ে ধৃতিরূপে ধুরন্ধরে। ধ্রুবে ধ্রুবপদে ধীরে জগদ্ধাত্রি নমোহস্তুতে । ১ ॥ শবাকারে শক্তিরূপে শক্তিস্থে শক্তিবিগ্রহে। শাক্তাচারপ্রিয়ে দেবি জগদ্ধাত্রি নমোহস্তুতে । ২॥ জয়দে জগদানন্দে জগদেকপ্রপূজিতে। জয় সর্ব্বগতে দুর্গে জগদ্ধাত্রি নমোহস্তুতে ॥৩॥
পরমানুস্বরূপে চ দ্বানুকাদিস্বরূপিণি। স্থুলাতি স্থুলরূপে চ জগদ্ধাত্রি নমোহস্তুতে । ৪ ॥ সূক্ষ্মাতি সূক্ষ্মরূপে চ প্রাণাপানাদিরূপিণি। ভাবাভাবম্বরূপে চ জগদ্ধাত্রি নমোহস্তুতে ॥ ৫ ॥ কালাদিরূপে কালেশে কালাকালবিভেদিনি। সর্ব্বস্বরূপে সর্ব্বজ্ঞে জগদ্ধাত্রি নমোহস্তুতে। ৬। মহাবিঘ্নে মহোৎসাহে মহামায়ে বরপ্রদে। প্রপঞ্চসারে সাধ্বীশে জগদ্ধাত্রি নমোহস্তুতে ॥৭॥
অগম্যে জগতামাদ্যে মাহেশ্বরি বরাঙ্গনে। আশেষরূপে রূপস্থে জগদ্ধাত্রি নমোহস্তুতে । ৮ ॥ দ্বিসপ্তকোটিমন্ত্রাণাং শক্তিরূপে সনাতনি। সর্ব্বশক্তিস্বরূপে চ জগদ্ধাত্রি নমোহস্তুতে । ৯ তীর্থযজ্ঞতপোদানযোগসারে জগন্ময়ি। ত্বমেব সর্ব্বং সর্ব্বস্থে জগদ্ধাত্রি নমোহস্তুতে । ১০। দয়ারূপে দয়াদৃষ্টে দয়ার্সে দুঃখমোচনি। সর্ব্বাপত্তারিকে দুর্গে জগদ্ধাত্রি নমোহস্তুতে । ১১। অগম্যধামধামস্থে মহাযোগীশ হৃৎ পূরে। অমেয়ভাবকূটস্থে জগদ্ধাত্রি নমোহস্তুতে ॥ ১২॥
ইতি শ্রীজগদ্ধাত্রীকল্পে জগদ্ধাত্রী স্তোত্রং সমাপ্তম্ ।০॥
আরও পড়ুন – জগদ্ধাত্রী ধ্যান মন্ত্র
