maa kahli mantra Archives

দক্ষিণা কালী স্তোত্রম - Dakshina kali Stotram দক্ষিণকালিকাস্তোত্রম্— ওঁ কৃশোদরি মহাচণ্ডি মুক্তকেশি বলিপ্রিয়ে। কুলাচার প্রসান্নাস্যে নমস্তে শঙ্করপ্রিয়ে।। ঘোরদংষ্ট্রে কোটরাক্ষি কিটীশব্দ প্রসাধিনি। ঘুরঘোররবাস্ফারে নমস্তে চিত্তবাসিনি।। বন্ধুকপুষ্পসঙ্কাশে ত্রিপুরে ভয়নাশিনি। ভাগ্যোদয়সমুৎপন্নে নমস্তে বরবন্দিনি।। জয় দেবীজগদ্ধাত্রি ত্রিপুরাদ্যে ত্রিদেবতে। ভক্তেভ্যঃ বরদে দেবি মহিষঘ্নি নমোহস্তুতে ।। ঘোরবিঘ্নবিনাশায় কুলাচারসমৃদ্ধয়ে। নমামি বরদে দেবি মুণ্ডমালা বিভূষণে। রক্তধারাসমাকীর্ণে করকাঞ্চীবিভূষিতে। সর্ব্ববিঘ্নহরে কালি নমস্তে ভৈরবপ্রিয়ে।। নমস্তে দক্ষিণামূৰ্ত্তে কালি ত্রিপুরভৈরবি। ভিন্নাঞ্জনচয়প্রখ্যে প্রবীণশবসংস্থিতে।। গলচ্ছোণিতধারাভিঃ স্মেরাননসরোরুহে। পীনোন্নতকুচদ্বন্দ্বে নমস্তে ঘোরদক্ষিণে।। দক্ষিণা কালী স্তোত্রম| Dakshin kali Stotram আরক্তমুখ শান্তাভির্ন্নেত্রালিভির্ন্নিরাজিতে। শবদ্বয়কৃতোত্তংসে নমস্তে মদবিহ্বলে৷। পঞ্চাশমুণ্ড ঘটিতমালালোহিতলোহিতে। নানা মণিবিশোভাঢ্যে নমস্তে ব্রহ্মসেবিতে ৷৷ শবাস্থিকৃতকেয়ুর, শঙ্খ-কঙ্কণ-মণ্ডিতে। শববক্ষঃ সমারূঢ়ে নমস্তে বিষ্ণুপূজিতে।। শবমাংসকৃতগ্রাসে সাউহাসৈ মুহুর্মুহুঃ। মুখশীঘ্র স্মিতামোদে নমস্তে শিববন্দিতে।। খড়্গামুণ্ডধরে বামে সব্যে ভয়বরপ্রদে। দত্তরে চ মহারৌদ্রে নমস্তে চণ্ডনায়িকে৷। ত্বং গতিং পরমা দেবী ত্বং মাতা পরমেশ্বরী। ত্রাহি মাং করুণাসাদ্রে নমস্তে চণ্ডনায়িকে ৷৷ নমস্তে কালিকে দেবি নমস্তে ভক্তবৎসলে। মূর্খতাং হর মে দেবি প্রতিভা জয়দায়িনী ।। গদ্যপদ্যময়ীং বাণীং তর্কব্যাকরণাদিকম্। অনধীতগতাং বিদ্যাং দেহি দক্ষিণ কালিকে৷৷ জয়ং দেহি সভামধ্যে ধনং দেহি ধনাগমে। দেহি মে চিরজীবিত্বং কালিকে রক্ষ দক্ষিণে।। রাজ্য দেহি যশো দেহি পুত্ৰান্ দারান্ ধনং তথা। দেহান্তে দেহি মে মুক্তিং জগন্মাতঃ প্রসীদ মে ৷৷ ওঁ মঙ্গলা ভৈরবী দুর্গা কালিকা ত্রিদশেশ্বরী। উমা হৈমবতীকন্যা কল্যাণী ভৈরবেশ্বরী।। কালী ব্রাহ্মী চ মাহেশী কৌমারী বৈষ্ণবী তথা। বারাহী বাসলী চণ্ডী ত্বাং জগুর্ম্মুনয়ঃ সদা।। উগ্রতারেতি তারেতি শিবত্যেকজটেতি চ। লোকোত্তরেতি কালিকে গীয়তে কৃতিভিঃ সদা। যথা কালী তথা তারা তথা ছিন্না চ কুল্লুকা। একমূৰ্ত্তি শ্চতুর্ভেদ দেবি ত্বং কালিকা পুরা ৷৷ একদ্বিত্ৰিবিধা দেবী কোটিধানন্তরূপিণী। অঙ্গাঙ্গিকৈন্নামভেদৈঃ কালিকেতি প্ৰগীয়তে ৷৷ শম্ভুঃ পঞ্চমুখেনৈব গুণান্ বৰ্ত্তুন্ ন তে ক্ষমঃ। চাপল্যৈর্যৎ কৃতং স্তোত্রং ক্ষমস্ব বরদা ভব।। প্রাণান্ রক্ষ যশো রক্ষ পুত্রান দারান্ ধনং তথা। সৰ্ব্বকালে সৰ্ব্বদেশে পাহি মাং দক্ষিণকালিকে। যঃ সংপূজ্য পঠেৎ স্তোত্রং দিবা বা রাত্রিসন্ধ্যয়োঃ। ধনং ধান্যং তথা পুত্ৰং লভতে নাত্ৰ সংশয়ঃ৷৷ —ইতি মহাকালবিরচিতং শ্রীমদ্দক্ষিণকালিকাস্তোত্রং সমাপ্তম্।— পড়তে থাকুন - শ্যামা বা দক্ষিণা কালিকার ধ্যান ভারতশাস্ত্র এর সমস্ত আপডেট এখন টেলিগ্রামে পেয়ে যাবেন (Join Telegram)