দশভুজা দুর্গার ধ্যান : Durga Dhyan mantra
ওঁ জটাজুটসমাযুক্তা-মৰ্দ্ধেন্দুকৃতশেখরাম্। লোচনত্রয়সংযুক্তাং পূর্ণেন্দুসদৃশাননাম্ ॥
তপ্তকাঞ্চনবর্ণাভাং সুপ্রতিষ্ঠাং সুলোচনাম্। নবযৌবন-সম্পন্নাং সর্ব্বাভরণ-ভূষিতাম্ ৷৷
সুচারুদশনাং দেবীং পীনোন্নত-পয়োধরাম্। ত্রিভঙ্গস্থানসংস্থানাং মহিষাসুরমদ্দিনীম্।।
মৃণালায়ত-সংস্পর্শ দশবাহুসমন্বিতাম্। ত্রিশূলং দক্ষিণে ধ্যেয়ং খড়্গং চক্রং ক্রমাদধঃ৷॥
তীক্ষ্ণবাণং তথাশক্তিং দক্ষিণে সন্নিবেশয়েৎ।খেটকং পূর্ণচাপঞ্চ পাশমঙ্কুশমেব চ।।
ঘণ্টাং বা পরশুং বাপি বামতঃ সন্নিবেশয়েৎ। অধস্তান্মহিষং তদ্বদ্বিশিরস্কং প্রদর্শয়ে্ত্ঠ্র্৷৷
শিরশ্ছেদোদ্ভবং বীহ্মেদ্দানবং খড়্গপাণিনম্। হৃদি শূলেন নির্ভিন্নং নিৰ্যদন্ত্ৰবিভূষিতম্ ৷৷
রক্তারক্তীকৃতাঙ্গঞ্চ রক্তবিস্ফুরিতেক্ষণম্। বেষ্টিতং নাগপাশেন ভ্রুকুটী ভীষণাননম্।।
সপাশ-বামহস্তেন ধৃতকেশঞ্চ দুর্গয়া। রমদ্রুধিরবজ্রঞ্চ দেব্যাঃ সিংহং প্ৰদৰ্শয়েত্ ॥
দেব্যাস্ত দক্ষিণং পাদং সমং সিংহোপরিস্থিতম্। কিধিদূৰ্দ্ধং তথা বাম-মঙ্গুষ্ঠং মহিষোপরি ৷৷
(প্রসন্নবদনাং দেবীং সৰ্ব্বকাম ফলপ্রদাম্। শত্রুঙ্কয়করীং দেবীং দৈত্যদানব দর্পহাং।।)
স্তুয়মানঞ্চ তদ্রূপ-মমরৈঃ সন্নিবেশয়েৎ। উগ্রচণ্ডা প্রচণ্ডা চ চণ্ডোগ্ৰা চণ্ডনায়িকা ৷৷
চণ্ডা চণ্ডবর্তী চৈব চণ্ডরূপাতিচণ্ডিকা। অষ্টাভিঃ শক্তিভিস্তাভিঃ সততং পরিবেষ্টিতাম্।
চিন্তয়েজ্জগতাং ধাত্রী ধৰ্ম্মকামার্থমোক্ষদাম্।
কালিকাপুরাণোক্ত মন্ত্র—ওঁ দুর্গে দুর্গে রক্ষণি স্বাহা, ওঁং হ্রীং দুং দুর্গায়ৈ নমঃ। বৃহন্নন্দিকেশ্বর পুরাণোক্ত মন্ত্র—ওঁ দক্ষযজ্ঞবিনাশিন্যৈ মহাঘোরায়ৈ যোগিনী কোটী পরিবৃতায়ৈ।
পড়তে থাকুন – দুর্গাষ্টকস্তোত্রম
ভারতশাস্ত্র এর সমস্ত আপডেট এখন টেলিগ্রামে (Join Telegram)
